Жемқорлыққа қарсы күрес - №21 ЖОББМ

Ақпан айы психологиялық кеңес беру айлығының өткізілгендігі туралы

admin — Fri, 01 Mar 2019 22:04:33 +0600

Жамбыл облысы әкімдігі білім басқармасының оқу – әдістемелік кабинетінің жылдық жоспарына сәйкес, мектептің №28 бұйрығына сүйене отырып «Ақпан айы – психологиялық кеңес беру айлығының» жоспары құрылып, бекітілді

Жоспарға сай 4-5 ақпан күндері мектебімізде «жеткіншек жастағы оқушыларды тәрбиелеу мен әлеуметтендірудегі қақтығыстардың туындау себептерін және психикалық ауытқушылыққа бейім балаларды анықтау үшін диагностикалық жұмыстар жүргізу, балалар мектебімізде жылдың басында анықталған және ол оқушылармен жоспарға сай жұмыстар жүргізіліп келеді. Ал айлықтың барысында оқушылармен «Айзенктің өзіндік бағалауын анықтау» тесті алынды және осы күндері ол оқушылармен жеке әдістемелер, сыныптарымен бірге «Қарым-қатынасты, көңіл – күйді реттеуге» байланысты жаттығулар өткізілді.
Мектепішілік және «Тәуекел» тобында тұратын оқушылармен эмоционалдық дағдыны түзету жұмысы жүргізілді.
2-24 ақпан күні аралығында психоррекциялық, психологиялық кеңес беру жұмыстары жүргізілді. Оқушылар келіп өз ойларындағы суреттерін салды, сол сурет арқылы шығарылған қорытындыға байланысты кеңестер беріліп, түзету – дамыту негізінде тесттер және қайта басқа да әдістемелік жұмыстар жүргізілді. Педагогтармен эмоционалды жағдайды түзету мақсатында жұмыстар жүргізілді. «Мен басқалардың көзімен» , «Я глазами других» тренингі жүргізілді. Тренинг мақсаты: сенімді қарым қатынасты дамыту және ұжымды біріктіру. Тренинг 3 жаттығудан тұрады: «шын жүректен жалғастыр», «мен басқалардың көзімен», «абыройлар жәрмеңкесі».
5-8 ақпан күні 1-5 сыныптар аралығында «Зерттеушілер» «Следопыты» дамыту ойындары жүргізілді. Оқушылар ойынға шын ниеттттеімен қызығып қатысты. Ойын барысы бойынша берілген тапсырманы сынып бойынша орындау ұсынылды. Ойынның мақсаты сынып ұжымын біріктіру, бірігіп жұмыс жасауға үйрету

8 ақпан күні оқушылармен «Баршаға бақыт тілейміз» акциясы өткізілді.акция барысында оқушылар стендте ілінген плакатқа өз тіліктерін, 11 сынып оқушыларына тілектерін жазып, өз сезімдерімен бөлісті.
11-15 ақпан аралығында «Мейірімді жылы – жүрек» апталық жоспары бойынша жұмыстар жүргізілді
12 ақпан күні «Қиял әлемінде» тақырыбында 1-4 сынып оқушылары арасында суреттер байқауы өтті.

Конкурстың мақсаты оқушылардың қиял деңгейінің қаншалықты ұшқыр екендігін анықтау. Конкурстың ережесі бойынша оқушылар өздерінің армандарындағы, қиял әлеміндегі кейіпкерлер не болмаса өздерінің армандарындағы қалаға барғылары келетіндігі жайында суреттерін салды. Суреттер байқауының жеңімпаздары анықталынды. Конкурс соңында анықталғандай оқушыларддың қиял деңгейі ө жастарына сай, суреттердің көбі мультфильм персонаждарын, табиғат әлемі, Астана қаласы, Париж қаласының суреттері салынған.

13 ақпан күні «Мейірімді жүрек-жылы тілек» «Сердечко пожеланий» акциясы өткізілді. Акцияның мақсаты оқушылар өздерінің арнайы тілектерін достарына, сыныптастарына, мұғалімдеріне білдірді. Оқушылар өздерінің тілектерін акция барысында мектеп фоесіне қойылған жүрек қорапшасына салды. Қорапша 14 ақпан күні ашылып мұғалімдер мен оқушыларға мектептің көшбасшыларының қатысуымен арнайы тілек қағаздары таратылып шықты.

14 ақпан күні «Өмірдегі қарапайым ғана қуаныштар» «Простые радости жизни» акциясы ұйымдастырылды. Бұл акцияға оқушылар мен мұғалімдер қатысты.

Акцияда оқушылар мен мұғалімдер стендке ілінген тал жапырақтарына өздерінің өмірлерінде өздерінің қарапайым ғана қуныштарын жазып өтті. Мысалы: баламның жымуы, ата анамның саулығы, өмірде жүруім, сабақта «жарайсың» бағасын алуым» т.б. қуаныштар жазылып өтті.
15 ақпан күні 7-8 сынып оқушыларымен «Мандалы» психологиялық ойыны жүргізілді. Ойын мақсаты: оқушылар бойындағы ішкі жан дүниесінде болып жатқан сезімдерін анықтау. Мандаланы бояу шарты бойынша адам өзіне ұнаған түсімен өздері таңдап алған мандаласын бояды. Әр оқушының таңдауына байланысты мандалаға мінездеме айтылды.

Аталған іс - шаралар мектеп психологы: А.С. Назаркулованың ұйымдастырылуымен өткізілді.

Кеңес әскерлерінің Ауған жерінен шығарылғанына 30 жыл толуына орай Ауған соғысының ардагерлерімен өткізілген кездесу кеші

admin — Fri, 01 Mar 2019 05:02:23 +0600

№21 жалпы білім беретін мектебінде Кеңес әскерлері шектелген контингентінің Ауғанстан Демократиялық Республикасынан шығарылғанына 30 жыл толуына арналған іс-шаралар өткізілді. Мектеп кітапханасында «1979-1989 жылдардағы Ауғанстандағы соғыс» тақырыбында стенд безендірілді.1-11 сыныптарда«Ауғанстан-жүректегі жара», «Афганистан-боль моей души», «Ауған соғысы ақиқаты» тақырыптарында сынып сағаттары өтті. Сынып сағаты мақсаты: мектеп оқушыларына Ауған соғысы жайлы мәлімет беру, оқушыларды Отанды сүюге, құрметтеуге, Ауған соғысының ардагерлеріне әрдайым құрмет көрсетуге тәрбиелеу, патриоттық құндылықтарын шыңдауға дағдыландыру.

Жас ұрпақты патриотизм рухында тәрбиелеу, Тәуелсіз еліміздің игі мақсаттарының бірі. 2019 жылдың 14 ақпан күні №21 Жалпы білім беретін мектебінде Қеңес Әскерлерінің Ауғанстаннан шығарылғанына 30 жыл толуына орай «Ауғанстан - мәңгі есте!» атты мерекелік кездесу кеші болып өтті. Бұл іс-шара Ауған соғысында опат болған боздақтар рухына тазғым етуге, ол кісілердің есімдерін қастерлеуге, білімгерлерді патриоттық рухы жоғары, қайсар жауынгер ағалар ерлігін үлгі етуге тәриелеуге бағытталды

Іс- шараны жоғары дәрежеде ұйымдастырып, залды салтанатты, мерекелік түрінде безендірген 7 сынып жетекшісі Тажибаева А.К., мектептің кітапханашылары: А.Линник, А.Наурызбай , тәлімгенр Ахметова Э. Іс –шараға «Андас батыр » ауылымыздың құрметті тұрғындары, қонақтар және Ауған ұрыс даласына түскен ардақты жауынгер ағаларымыз шақырылды:

1.Нурпейсов Жакей;

2.Кабылбеков Хасен;

3. Бажанов Сергей;

4.Селимов Мажилис;

5.Едилов Ораз;

6.Қарабатыров Рахат;

7. Сорока Владимир;

8.Кудинов Анатолий

9. "Андас Батыр" ауылдық округінің әкімі: Мәжиев Бейбіт Әлімбекұлы.

10. Меркі ауданының Қорғаныс істер жөніндегі басшысының орынбасары Абиев Жандос Серікұлы ,

11. 2035 әскери бөлімшенің «Сыпатай батыр» шекара заставасының бастығы - Таспаев Самал Канапиевич,

Ауыл ақсақалдары: Наурызбаев О.Е., Сулейманов Э., Беридзе Н.А.,

Хасанбаев Б.Б., мектеп ұстаздары мен 9-11 сынып оқушылары қатысты. Ардагерлермен ұйымдастырылған кездесу кешін А.Б.Наурызбай, А.Қ. Тәжібаева мен А.С.Линник жүргізіп отырды. Жиналған Ауған ардагерлерін, қонақтарды мектеп директоры: - Э.А.Бекжанова, «Андас батыр» округіның әкімі- Б.Ә.Мәжиев, Абиев Ж.С, Таспаев С.К., О.Е.Наурызбаев, Б.Б. Хасанбаев мерекелерімен құттықтап, осы Ауған соғыс кезінде қатерге бел буып, батырлық пен қайсарлықтың үлгісін көрсетіп, қаһармандық танытқан, өздерінің Отан алдындағы парызына адал болған жауынгер ағаларға Құрмет грамоталары мен естелік сыйлықтар тапсырылды.

Іс-шара барысында 9 сынып оқушылары сынып жетекшісі-З.Д.Кантарбаеваның ұйымдастыруымен «Возвращение» атты қойылым көрсетсе, 5,6,10 сынып оқушылары: А.Олжабек, Н.Нұрлан, А.Әділбек, А.Батырхан, Ж.Ниязбек Отаншылық тәрбиесіне арналған Е.Хасанғалиевттің «Атамекен», «Болашақ біз елдің», «Алға, Қазақстан», «Мен Қазақпын» ,

«Жаса, Қазақстан» тақырыптарында ән шырқады 9, 10 сыныптарының оқушылары: А.Алпысбай, А.Батырхан, И.Светличный, Ұ. Ауесбек, Ә.Кадіржан, К.Даулеткулова сарбаздар киімін киіп, тақпақтар оқыды.

Кездесу барысында оқушылар Ауған соғысында ерлігімен танылған қазақстандық жауынгерлер жайында мағлұматталды. Күндіз күлкіден, түнде ұйқыдан қалып, осындай ержүрек, қайтпас, қайсар жауынгерлердің арқасында жат жердің болашағы үшін, бейбіт өмір үшін осы соғыста қаза тапқан батыр ағаларымызбен, есіл боздақтарымыздың рухына тағзым етіп, еске алуға бір сәттік үнсіздік жарияланды. Сондай-ақ, соғыстың тірі

куәгерлері Нүрпеисов Жакей, Қарабатыров Рахат, Бажанов Сергей өз естеліктерімен бөлісіп, мектеп оқушыларына ізгі тілектерін жеткізді. Іс-шараның соңына қарай, мектептің АӘД пәнінің мұғалімі С.М.Қыдыралиев және Абиев Жандос Серікұлы сөз алып, 2002 жылы туылған оқушыларға әскери тіркеу куәліктерін тапсырды. Оқушылардың бойындағы патриоттық, Отансүйгіштік сезімдерін қалыптастыруда игі шараның ықпалы мол кездесуді ұйымдастырған ұжымға,оқушыларға, жауынгер ағалар мен қонақтар алғыстарын айтып білдірді. Іс-шараның қорытындысында мектептің басшысы Э.А. Бекжанова барлық қонақтарды құттықтай отырып, ата-аналарды, ұстаздарды, оқушыларды өз елін-мақтан тұтуға, Отанын, жерін, халқын сүюге патриоттық рухы жоғары, қайсар жауынгер ардагерлердін ерлігін үлгі етуге , қастерлеуге шақырды және барлық кештің қатысушыларына ізгі тілектерін білдірді.

Кездесу кеші өте қызық да тартымды өткізілді.

Мектеп жанында орналасқан ҰОС ардагерлерінің ескерткіш алдына «Ақ бидай» шаруашылық қожалығының басшысы Қалқабаев Нариман сый еткен алты шыршалар отырғызылды. Бұл іс-шараға Ауған соғысының ардагерлері, ауыл ақсақалдары, ауыл әкімі, шекара қызметкерлері, мектеп оқушылары атсалысты.

12 ақпан күні бейнелеу пәні мұғалімдері О.С.Лайпанова мен Н.А. Боржиковтың ұйымдастыруымен 5-6 сыныптар арасында «Балалар соғысқа қарсы», «Балалар бейбітшілікті қолдайды» атты суреттер байқауы өткізілді.

15 ақпан күні АӘД пәні мұғалімі Кыдыралиев С.М. Кеңес әскерлерінің Ауғанстан жерінен шығарылған күніне және Ауған соғысында қаза тапқан жауынгерлерге арналған әскери-патриоттық ойындар өткізді.Ойынға 10-11 сынып оқушылары қатысты. Оқушылар бірінші кезеңде 6 метр бауырлап еңбектеу, екінші кезеңінде автомат шашып жинау,арқаға жатып дене көтеру, үшінші кезеңде пневматикалық мылтықтан ату, кедергіден өту тапсырмаларын орындады.

16 ақпан күні Кеңес әскерлерінің Ауғанстан жерінен шығарылған күніне орай Б.Жанбосыновтың ұйымдастыруымен дзюдо күресінен 2005-2007 ж.т. қыздар және 2007-2008 ж.т. ұлдар арасында ашық біріншілігі өткізілді. Жарысқа Қызылорда, Алматы, Жамбыл облыстарынан, Ош, Бишкек ,Тараз қалаларынан барлығы 235 бала қатысты. Біздің мектеп оқушылары Қапалбай Н-1 орын, Бақытбек А. мен Егізбай Д.-2 орын, Насредин А., Алмабек Е. , Бейсенбек Н., Жумабек А-3 орынды иеленді.

«Сырласайық, жеңеше!»

admin — Fri, 01 Mar 2019 04:42:23 +0600

Ағымдағы жылдың 23 ақпанында мектепте «Сырласайық, жеңеше» атты қыз бен жеңге арасындағы жоғарғы сынып оқушыларына арналған сайысы өтті. Мақсаты:Отбасылық тәрбиенің үздік үлгілерін насихаттау. Отбасы тарихын және дәстүріне деген қызығушылықтарын дамыту, жанұядағы сыйластыққа, адамгершілікке, инабаттылыққа тәрбиелеу. Қазіргі заман қыз тәрбиесіне ерекше мән беруді қажет етеді. Әрбір қыз бала бойжетіп, ата – анасының жанында бұлғақтаған дәуренін қалдырып, басқа үйге келін болып түсуі – өмір заңдылығы. Әсіресе, қызға анасы немесе жеңгелері үй шаруасына икемділік, ісмерлік, жүріс – тұрыс сыпайлығы, әсемдік, жинақтылық пен тазалық, өз бойын күту мен ашық қабақтылық туралы үйретуге күш салады. Cайыста ауылдың ең шебер, инабатты, пысық, сымбатты деген 5 келін қайынсіңілерімен қатысып, бақтарын сынады.

Сайыс шарттары келесідей болды.
1. «Кәне, таныс болайық» /Таныстыру/
2. «Өнерпаз болсаң әрқалан» /Өнер көрсету/
3. «Анадан өнеге көрмеген қыз жаман, атадан тағлым алмаған ұл
жаман» /жеңгелер ұршық иіреді, қайынсіңілілері ою ояды, тігін тігеді, т.б./

4.«Тығырықтан шығу» /Мұнда жағдаяттық сауалдар беріледі.

өз пікірлеріңізді білдіреді./

5.«Сұлулық сыры» /Бұл кезеңде жеңгелері қайынсіңілілеріне киім үлгісіне сай шаштарын сәндеп беруі керек./

Қатысушылар байқау шарттары бойынша алдымен өздерін таныстырып, өз өнерлерін көпшілікке паш етіп, қазақтың салт-дәстүрі, әдет-ғұрып жайында қойылған сауалдарға жауап берді.

«Анадан өнеге көрмеген қыз жаман, атадан тағлым алмаған ұл жаман» дейді атам қазақ. Сөзге де шебер, іске де ұста халқымыздың зор мәдениеті мен өнерін паш ететін құндылықтардың бірі–оның қолөнері. Бұл бөлімнің шарты бойынша жеңгелер ұршық иіріп, аруларымыз ою ойды. Күрделі әрі ұқыпты ойылған ою жоғары бағаланды.

Байқау талаптарының салмағы жеңіл болған жоқ. Әр қыз өзінің жеңгесімен сахнаға қол ұстаса шығып, өнерлерін көрсетті. Қазақтың салт дәстүр, әдет-ғұрпын жаңғыртып, көркемсөз оқып, ісмерліктерін сынады. Жеңгелерге де аса үлкен жауапкершілік жүктелді, ата мен енеге сәлем салу, қайын ене мен қайынсіңліге ат қою,ұршық иіру сияқты сындар ұлттық мәдениетімізбен табыстырды.

Үлгілі отбасында үйлесім тауып, ибалы келін, инабатты жеңге, аяулы ана, ардақты жар бола білген қазақ келіндері - көпке үлгі,өнеге. Сәні мен салтанаты жарасқан «Сырласайық, жеңеше!» атты сайысында, қазылар алқасының шешімімен үздік деп танылған жеңгелер мен қайынсіңілер түрлі аталымдар бойынша марапатталып, оларға бағалы сый-сияпат табыс етілді.

Сайысқа қатысушылар: Исабекова А., Ринатқызы К; Абдикулова Э., Жақсылық Ж., Кангушекова Л., Мухан Н., Ахметова Э., Амантай А., Тазабекова С., Наурызбай Ж.

2019 жылғы 2 ақпан күні №21 жалпы білім беретін мектебінде бастауыш сынып оқушыларының арасында «Мен зерттеуге үйренемін» тақырыбында балғын зерттеушілер байқауының өтілуі туралы

andasbatyr — Wed, 06 Feb 2019 04:39:41 +0600

Мектепте байқауға 4-сыныптардан - 4 оқушы, 3-сыныптардан - 6 оқушы қатысты.
Зерттеу жұмыстарын қорғау 4 бағытта өтті: 1.«Жер-елдер мен құрлықтар, мемлекет, халықтар», 2.«Адам және қоғам, мен, менің отбасым, менің ауылым, менің Отаным», 3.«Мәдениет-әдебиет, өнер, тарих», 4.«қоршаған әлем-экология, жан-жануар, өсімдік».
Қатысушылардың зерттеу нысаны табиғат, ғылым, мәдениет әлемі болып табылды. Жобаларды қорғау барысында оқушылар баяндаудан бастап зерттеу тәжірибесін өткізуге дейін барды.Жұмыстардың көбінің тақырыптары өсімдіктер, құстар мен жәндіктерді зерттеуге бағытталған. Ауылдың құндылықтарын да оқушылар пайдаланған. Зерттеу жұмыстарында отбасылық кәсіптің қайдан шығуы, елімізде отбасы мүшелерінің әулеттің еңбек жолдарын жалғастырулары жөнінде мәселелер көтерілген. Сонымен қатар, балалар «Чудо из яйца», «Кактусы», «Ауылым –алтын бесігім», «Ас тұздың пайдасы», «Лимон- кладовая витаминов», «Пчела- удивительное создание», «Бабочки», «Күнбағыс майының құпияляры», «Шоколад.Вред и польза», «Құрманың адам денсаулығына пайдасы» сияқты өзекті тақырыптарға бет бұрып, берілген сұрақтарға өз беттерімен жауап іздеген екен.Тәжірибе жүргізу арқасында олар балапанның инкубатордан қалай шығаруға болатынын, лимонды дақ кетіруге пайдалануға болатындығын, адам ағзасына пайдалы заттардың құрамы балда болатындығы,кактустың антисептикалық қасиеті бар екенін, тұздың пайдасы мен зияны туралы айтты. Ғылыми мерекеге кішкентай талантты шеберлер де келді. Олар қатаң қазылар алқасына өздерінің шығармашылық жұмыстарын көрсетті: декоративтік балауыздар, ойыншық-кітаптар, балауыз қойылатын фужерлер, қағаздан жасалған жұп аққулар, бисерден тоқылған қартиналар, кәмпиттің қағаздарынан неше түрлі бұйымдар. Жобалар авторлары идеялары өмірде іске асырылса деп армандайтынын жасырмайды. Зерттеу жобаларын ұсынуы да, баяндау ерекшеліктері де қызықты болды. Кішкентай зерттеушілерге арналған бұл мерекеде балалардың өздері де, олардың ата-аналары мен мұғалімдері де, әділқазылар алқасы да ерекше көңілді эмоцияны бастан кешірді. Жеңілгендер болған жоқ. Барлық жұмыстар марапатқа ие болды. Кейбіреулер келесі жылы жұмыстарын жалғыстыратын болса, ал кейбіреулер жаңа тақырып алатын болып тарқасты. Бұл жеткіншектердің арасында бүкіл әлемге танымал зерттеушілердің болатыны сөзсіз.
Байқау нәтижесі бойынша І орынға келесі 4 оқушы ие болды,ІІ орынға 6 оқушы ие болды.
Бастауыш сынып оқушыларының 10 жобаның ішінде 4 жоба ең үздік саналып І дәрижедегі дипломмен марапатталды: 4-сынып оқушысы Жақсылық Жанеркенің «Құрманың адам денсаулығына пайдасы» жобасы, 4 сынып оқушысы Таштемирова Камиланың «Шоколад.Вред и польза », 4 сынып оқушысы Россоха Сергейдің «Лимон- кладовая витаминов »,4 сынып оқушысы Сулиева Фирузаның «Кактус», ІІ дәрижедегі дипломмен 3 сынып оқушысы Линник Анастасияның «Чудо из яйца»,3 сынып оқушысы Тайбай Сафияның «Ас тұздың пайдасы » , 3 сынып оқушысы Кудинова Анастасияның «Пчела- удивительное создание», 3 сынып оқушысы Чахалова Мариямның «Бабочки», 3 сынып оқушысы Нұрғали Дамираның кунбағыс майының шығу тарихы мен одан алынатын өнімдер туралы, 3 сынып оқушысы Назарбек Ұлмекеннің туған ауылының кешегісі мен бугіні туралы жұмыстары марапатталды. Екі жоба аудандық «Мен зерттеуге үйренемін» балғын зерттеушілер байқауына жолдама алды. Зерттеу жұмыстарын сараптауға және қазылар алқасының жұмысына жоғары білімді, тәжірибелері мол ұстаздар құрамы тартылды.
Бастауыш бірлестігінің жетекшісі: Намазова А.К.

№21 жалпы білім беретін мектебінде Қазақстан Республикасының Білім және ғылым министрлігі 2019 жылғы 10 қаңтар – 10 ақпан аралығында «Қамқорлық » дәстүрлі республикалық акциясы өтілуі туралы

andasbatyr — Wed, 06 Feb 2019 04:33:08 +0600

Акция мақсаты - әлеуметтік көмек алуға құқығы бар аз қамтылған, көп балалы, тұрмысы қолайсыз отбасылардың балаларына, жетім балалар мен ата- анасының қамқорлығынсыз қалған балаларға және басқа санаттағы балаларға әлеуметтік көмек көрсету, оқумен қамтылған мектеп жасындағы балаларды анықтау және есепке алу, сондай- ақ әлеуметтік себептер (киімдерінің, аяқ киімдерінің, мектеп құралдарының жоқтығы) бойынша балалардың мектепке бармауын алдын алу
Акция міндеттері - мектеп жасындағы балалардың оқуды тоқтатуға немесе олардың ұзақ уақыт сабаққа бармауына жағдай туғызған себептерді айқындау, дәлелсіз себептер бойынша сабаққа келмеуді алдын алу, сондай- ақ материалдық жағдайы төмен отбасыларда тұрып жатқан балалардың өмір сапасын жақсарту, жұртшылықты аз қамтылған және тұрмысы қолайсыз отбасыларға материалдық көмек көрсетуге бағытталған қайырымдылық қызметпен айналысуға тарту.
№21 жалпы білім беретін мектебі бойынша жалпы оқыту жөніндегі айлықты және «Қамқорлық» қайырымдылық акциясын өткізу туралы 10 қаңтар № 05 бұйрықты басшылыққа ала отырып, мектебімізде 10 қаңтар және 10 ақпан 2019 жыл аралығында «Қамқорлық» акциясы айлығы жоспарға сай мектебімізде іс-шаралар өтілуде.

Мектепте акция аясында мектеп демеушілері, ата-ана жұртшылығы және мектеп ұстаздары белсене қатысуда. Мектеп ұстаздарының ұйымдастыруымен «Қайырымды сынып» тақырыбында әлеуметтік тұрмыс жағдайы төмен отбасы балаларына арналған жәрмеңке ұйымдастырылды. Акция барысында он бес оқушыға көмек көрсетілді.

100 жаңа есім Димаш Құдайбергеновтың өнер жолы танымдық сазды кеш

andasbatyr — Mon, 28 Jan 2019 06:47:17 +0600

100 жаңа есім Димаш Құдайбергеновтың танымдық сазды кешін 6 "ә" сынып және 8 "ә" сынып оқушыларының сынып жетекшілері А.С. Назаркулова мен Н.А. Адилованың ұйымдастырылуымен 24 қаңтар күні өткізілді
Мақсаты:
а) білімділік: Д. Құдайбергеновтың өмір жолымен, шығармашылығымен оқушыларды таныстыру
ә) тәрбиелік: отанды туған жерді сүюге тәрбиелеу, жаңа есімді адамдардан үлгі алу
б) дамытушылық: оқушының сөйлеу мәдениетін дамыту
Көрнекілігі: Димаштың фотолары, бейнероликтер нақыл сөздер, буклет
Жоспары:
1. Кіріспе бөлім (Димаштың өлеңі)
2. «Димаш – жарық жұлдыз»
3. «Поэзия – жүрек тілі»
4. «Құлақтан кіріп бойды алар» (Әндерін орындау)
5. «Әлем таныған – Димаш»
6. «Жазылар естеліктер мен туралы»
1-жүргізуші: Қайырлы күн қадірменді қонақтар!
2-жүргізуші: Қазақтың өлеңдерін кие тұтқан, жүрегімен ән орындап жүрген, ерекше дауысымен әлем елдерінің махаббатына бөленген «100 жаңа есім – Димаш Құдайбергеновтың өнер жолы» атты танымдық - сазды кешімізді бастауға рұқсат етіңіздер.
1-жүргізуші:
Димаш Құдайбергенов - оны күллі халық сүйіп тыңдайды. Димаш шын мәнінде, бір туар және қазақты әлемдік деңгейде таныта білді.
2-жүргізуші:
Димаш Құдайберген 24 мамыр 1994 жылы Ақтөбе қаласында Қазақстан Республикасының мәдениет қайраткерлері Қанат Құдайбергенұлы мен Светлана Айтбаева отбасында дүниеге келген. Ең алғаш рет спектакльде ойнауымен таныла бастады. Бес жасында музыкалық колледж сахнасында алғаш әнші ретінде ән салған.
(видео)
1-жүргізуші:
Алты жасында “Айналайын” Республикалық байқауының “Фортепиано” номинациясында жеңімпаз атанған.
2 – жүргізуші:
2010 жылы "Байқонырдың Әсем дауыстары" Халықаралық фестивалінің І жүлде лауреаты атанды. 2012 жылы “Жас қанат” Республикалық жас ән орындаушылар байқауының Гран-при жүлдесіне ие болды.
1 – жүргізуші:
2012 жылы “Восточный базар” Халықаралық байқауында І жүлде лауреаты атағына ие болды. Бір жылдан соң, “Мейкин Азия” І Халықаралық фестивалінің жеңімпазы болып атанды.
2 – жүргізуші:
Білімі
5 жасынан бастап фортепианода ойнауды үйренеді. Балалар хорында ән айтқан. 2014 жылы Димаш Ахмет Жұбанов атындағы музыкалық колледжде академиялық ән орындау сыныбын тәмамдады. Қазір Астана қаласындағы Қазақ Ұлттық Өнер университетінің “эстрада өнері” факультетінің 2 курс студенті. Димаш серб, итальян, француз, ағылшын, орыс т.б тілдерде ән орындайды.
1 – жүргізуші:
Димашқа Нағыз танымалдық Витебск қаласында XXIV Халықаралық эстрадалық ән орындаушылар «Славян базары-2015» байқауында Гран-при жеңіп алған соң келген. Екі күн ішінде, жас әнші 175 ұпай жинаған. Бірінші күні ол Константин Меладзе композиторінің «Опять метель» әнін, ал екінші күні Француз әншісі Грегори Лемаршаль репертуарынан алынған «Sos dun terien un detresse» әнін орындады. 2015 жылы 28 қазан күні Ыстамбұлдада Димаш Құдайбергенов “Abu TV” Халықаралық Азия-Тынық мұхит фестивалінде Қазақстан Республикасының атынан алғаш рет қатысты.
(1 видео славян базарындағы әнді орындауы)
2 – жүргізуші:
27 наурызда 2017 Қазақстанның сүйікті әншісі Димаш Құдайбергенов "Top Chinese Music Awards" номинацияның жеңімпазы атанды. Әншінің PR-директоры Алпамыс Шаримовтың айтуы бойынша, біздің әнші "Азиядағы ең атақты әнші" номинациясын жеңіп алды. Марапаттау церемониясы кезінде Димаш SOS d'un terrien en détresse әнін орындады
1 – жүргізуші:
15 сәуір 2017 Димаш Құдайбергенов Қытайдағы "Singer 2017" жобасында екінші орын алды. Димаш өзінің ақтық сынағында Қытайдың әншісі Шан Венжемен дуэт құрып ән айтады. Ақтық сынақта ол Майкл Джексонның: Dangerous, Billie Jean, The Way You Make Me Feel және Earth song атты әндерін айтып шығады. Ал бірінші орынды болса Қытай қызы Sandy Lam жеңіп алады
(Видео 3)
2 – жүргізуші
«Поэзия – жүрек үні»
Ортаға:
1 – жүргізуші:
Пай, пай, неткен керемет поэзия, олай болса әншінің шығармашылығы жайында айтар болсақ Көптеген адамдардың, тіпті сыналған музыкалық сыншылар Dimash дауысының 6 октавада таңқаларлық ауқымын тудырады - бастан ысқырыққа дейін. Құдайбергеновтың ұстазы Марат Айтимов, ол контртенор емес жасады деп, өйткені ол ноталарды төмендете алады, және лирикалық тенор, сопрано
2 – жүргізуші
Димаш әр түрлі жанрдағы вокалдық шығармаларды әртүрлі тілдерде орындайды (Қазақ, украин, орыс, ағылшын, француз, қытай және т.б.) Ол мәдени іс-шараларға белсенді қатысады, содайақ, 2017 жылдың 29 қаңтарында ол Алматыдағы Қысқы Универсиаданың ашылуында сөз сөйледі
1 жүргізуші:
2017 жылғы 27 маусымда «Астана Арена» спорт кешенінің стадионында. «BASTAU live show» атты алғашқы ірі жеке концертін өткізді. Сахнаның шеттерінде екі үлкен экран орнатылған, онда сөз сөйлеген болатын. (Бұл суретшінің арқасында залдың барлық бұрыштарынан көрінді. Спектакль кезінде Димаш әртүрлі бейнелерде пайда болды, Кинотеатрдың бес костюмі - дәстүрлі қазақтан қазіргі заманға дейінгі, және олардың әрқайсысы дыбысталған шығармаларға сәйкес келеді.)
2 жүргізуші
әнші домбырашылармен бірге күй ойнады, содан кейін көрермендерге гүлдер сыйлады, содан кейін Майкл Джексонның әндерін орындады. Димаштың орындауындағы Поп патшасының аңызға айналған «айлыққа» өтуі және танымал әуенді «Билли Жан» көрермендердің көңілінен шықты
1 жүргізуші:
Бір кезеңде атақты қазақстандық орындаушымен орыс әншісі Кристина Орбакайте, швед суретшісі Лорин, Ағылшын әйел Софи Эллис-Бекстор, сондай-ақ Димаштың қытайлық әнші Терри Линнің «I am Singer» жобасына қарсыласы. Сол жерде, Сахнада Бастау дуэттің жас домбырашылары өздерінің шеберліктерін көрсетті, Keshyou топтарының мүшелері, VOX ACAPELLA және «Алло». Димаш концертте 30 мыңға жуық адам жиналды. Соло-концерт түн ортасында аяқталды, және барлығы 4 сағатқа созылды.
2 жүргізуші:
«2017 жылғы ең әдемі жүздердің 100» тізіміне қазақстандық әнші кірді
1 жүргізуші:
2018 жылдың 28 қаңтары Қытайдағы Жаһандық алтын марапаттау рәсімінде «Үздік суретші» номинациясы бойынша жеңімпаз атанды
2 жүргізуші:
Димаш Құдайбергенов 2017 жылы еліміздің президенті Нұрсұлтан Әбішұлы Назарбаевтың жеке қабылдауында болып ақ батасын алды. «ДАРЫН» мемлекеттік сыйлығын алды (видео)
1 жүргізуші: «Құлақтан кіріп бойды алар, Тәтті ән мен тәтті күй» дей келе Димаш Құдайбергеновтың репертуарынан «Қазақстан» әнімен Нұрлан Нұрды ортаға шақырамыз
2 – жүргізуші: «Әлем таныған – Димаш» иә қазіргі таңда I am a singer телебайқауы таңғажайып дауысымен талайлардың жүрек қылын шерткен Димаш Құдайбергеннің танылуына мүмкіндік сыйлаған бірден бір жоба. Осыдан соң Димаштың өнері асқақтап, әлемнің түкпір түкпірінен т.скен шақырту Джеки Чан, Джек Ма, Ева Лонгория, Никол Кидман сынды кіл мықтылармен таныстыққа жол ашты. Қытайдың орталық телеарнасы «Жылдың ең танымал әншіісі» атағын берсе, аз уақыттан соң әнші «MTV Music Awards» жүлдесінің иегері тұңғыш қазақ атанды.
1 – жүргізуші:
Ал Димаштың Лондонда дүркіреп өткен концерті отандық мәдениеттегі айтулы оқиға болды. (Концерттен үзінді видео)
Ән кешіне жанкүйерлер әлемнің 45 елінен ат арытып жеткені өз алдында, алпауыт медиа аталатын ВВС арнасына әнші туған елі шығармашылығы, алдағы жоспарлары туралы кеңінен сұхбат берді.
2 жүргізуші:
Биылғы «The Silk Road Cohesion Awards 2018» халықаралық марапат кешінде «Жібек жолының мәдени елшісі» және «Жыл әншісі» мараппаттарына ие болды.
1 – жүргізуші:
Кремль сарайында атақты Игорь Крутой Димаш Құдайбергеновке арнап «Любовь усталых лебедей» әнін жазып, екеуі кремль сахнасында бірге шырқады.
(видео)
2 жүргізуші:
Димаш Құдайбергенов жайлы соңғы жаңалықтарға келер болсақ, 2019 жылы Америка құрама штаттарында өткізіліп жатқан «Дәуір әншісі» байқауында қазіргі деректерге сүйенер болсақ алдыңғы қатарлы 3 орында тұр және де наурыз айында Мәскеудегі Кремльде өз жеке концертін өткізуді жоспарлап отыр.
1 жүргізуші:
Димаш Құдйбергенов жайлы мәліметтерді білдік, шығармашылығы мен өнері, танымалдылығы жайында көптеген мағлұматтар алдық,
2 жүргізуші:
Ендеше, ойын ойнайық, олай болса алдарыңызға тарытылған бөлшек қағаздарды біріктірсек, Димаштың қатысқан байқаулардағы көріністері шығады, сол көрініс қай байқау екенін табамыз
(Димаштың 1 әні)
1 – жүргізуші: Бүгінгі «100 жаңа есім – Димаш Құдайбергеновтың өнер жолы» танымдық-сазды кешімізді аяқтаймыз
1,2 жүргізуші: Димаш жайлы естеліктер жазылар әлі.

«Жарқыра Қазақстан, Жарқыра Туған жер!» атты балмаскарад

andasbatyr — Fri, 18 Jan 2019 22:59:55 +0600

10-11 сыныптарға арналған жаңа жылдық кеш 28 желтоқсан күні сағат 15.00 басталып 18.00 аяқталды. Балмаскарадқа 10 «а, б», 11 «а, б,в » сынып оқушылары белсене қатысты. Жаңа-жылдық балмаскарадқа мектеп мұғалімдері, ата-аналар қатысты. Алғашқы құттықтау сөз мектеп директоры Э.Бекжанова және аудандық білім беру бөлімінің әдіскері Ж.Б. Байтулековаға берілді. Құттықтау сөзінде Жанар Болатқызы оқушыларды, ата-аналарды, мұғалімдерді келе жатқан жаңа жыл мерекесімен құттықтап, қабілетті, саналы, белсенді азамат болып өсуіне тілектестігін білдіріп, аудандық олимпиада жеңімпаздарын мақтау қағаздарымен марапаттады..
11 сынып жетекшілері Нуриева Л.Т., Текебаева Н.А, Мустафаева Э.Р., 10 сынып жетекшілері Ботабекова А.Е., Турдиева А.А.,кезекші мұғалімдер Жанбосынов Б., Исабеков Қ, Кантарбаев А., Нуркалиев С. жаңа жылдық кештен кейін мектеп әкімшілігімен бірге түнгі рейдке бекітілген. Кеш барысында ешқандай құқықбұзушылық болған жоқ.

№21 ЖББ мектебінде жаңа жылдық шырша мерекелерінің өтілуі туралы мәлімет

andasbatyr — Fri, 18 Jan 2019 22:56:13 +0600

Жаңа жылдық мерекелік іс-шараларының өтілу жоспары мен кестесі жасалып бекітілді. Мектеп спортзалы жасыл шыршамен , жаңа жылдық банерлермен безендіріліп. «Жарқыра Қазақстан, Жарқыра Туған жер!» атты банер ілінді. 25-28 желтоқсан аралығында «Жарқыра Қазақстан, Жарқыра Туған жер!» тақырыбында Жаңа жылдық кеш бағдарламалары құрылып, кестеге сай өткізілді. Төтенше жағдайлардын алдын алу, өрт қауіпсіздігін қамтамасыз ету жұмыстары ұйымдастырылды. Балалардың өмірі мен қауіпсіздігін қамтамасыз ету мақсатында мереке күндері және жаңа жылдық шыршалар өткізілетін күндері мұғалімдер тарапынан кезекшілік ұйымдастырылды. Мектеп дәлізінде, ауласында және спортзал ішінде жауапты мұғалімдер кезекшілік атқарды. жаңа жылдық ертеңгілік пен жоғарғы сынып балмаскарады өз дәрежесінде, қызықты да көңілді өттті. Мектебіміздің дәстүріне айналған жас түлектер бастауыш сынып оқушыларына арнайы ертегі кейіпкерлерінің киімімен қойылым қойып, балаларды қуанышқа бөледі. іс-шараларға ата - аналарда белсенділік танытып, балаларына қолдау көрсетті.

1- желтоқсан Қазақстан Республикасы Тұңғыш Президенті күніне орай өткізілген іс- шаралар

andasbatyr — Mon, 14 Jan 2019 06:53:05 +0600

№ 21 ЖББ мектебінде Меркі аудандық білім бөлімінің 1- желтоқсан Қазақстан Республикасы Тұңғыш Президенті күніне орай өткізілетін іс- шаралар жоспары негізінде мектепішілік іс – шаралар жоспарланып, бекітілді. Мектеп кітапханасында «Әлем таныған тұлға» атты көрме ұйымдастырылды. Мақсаты: оқырман қауымға Елбасы Н.Ә.Назарбаевтың өмірі мен жүргізіп отырған саясатын, іскерлік қабілетін кеңінен насихаттау. Жас оқырмандарға Президенттің ел үшін жасаған істерін үлгі-өнеге ету. Өз Отанын, халқын, елі мен жерін сүйетін азамат болып өсуге тәрбиелеу.
30 қараша күні 1 – желтоқсан Тұңғыш Президент күніне орай салтанатты жиын өткізілді. Салтанатты жиын Мемлекеттік Гимнмен ашылып, Елбасының тарихы туралы қысқаша мәліметтер берілді. Салтанатты жиын барысында алғашқы құттықтау сөз алған мектеп директоры Э.А. Бекжанова айтулы мерекенің мән – маңызына тоқталып өтті. Сонымен қатар, мектеп кітапханашылары мемлекет басшысы Н.Ә.Назарбаевтың «Болашаққа бағдар: рухани жаңғыру» мақаласын іске асыру мақсатында «Әлем таныған тұлға» тақырыбында көрме ұйымдастырды . Онда тұңғыш Президенттің өмір жолы, жастық шағы, еңбекке араласқан жылдары, саяси және қоғамдық қызметі кеңінен қамтылған. Сонымен қатар, Елбасы туралы әлем саясаткерлерінің ой-пікірлері, ақын-жазушылар шығармаларының топтамалары да бар. Көрмеде республикалық «Социалистік Қазақстан», «Лениншіл жас», «Казахстанская правда», «Ленинская смена» , «Темир¬тауский рабочий», «Социалистическая Караганда», «Металлург», «Советтік Қарағанды» газеттерінде жарияланған Н.Назарбаевтың 1958 – 1969 жылдардағы алғашқы еңбек жолын қамтитын 20-ға жуық мақалалары ұсынылды. Көрме өз дәрежесінде өтіп, оқушылар көптеген мағлұматтар алды.
24 қараша күні Мемлекет басшысы Н.Назарбаевтың «Болашаққа көзқарас. Қоғамдық сананы жаңғырту» мақаласын іске асыру мақсатында екі тілде «Болашаққа бағдар» және «Взгляд в будущее» атты 8-11 сыныптар аралығында мектепте видеофильмдер көрсетілді.
28 қараша күні дене шынықтыру пәні мұғалімі Нурбаева А.Г. 1-желтоқсан Қазақстан Республикасы Тұңғыш Президенті күніне арналған шахматтан 8-10 сыныптар аралығында спорттық жарыс. Жеңіпаз оқушылар: ұлдар арасында-І орын-Турсынқұл Н., ІІ орын-Бекей Е., ІІІ орын –Абилов Х., қыздар арасында- І орын Сабит Ж, ІІ орын-Чахалова С., ІІІ орын –Ербол А., Борщевская А. мақтау қағаздарымен марапатталды.
30 қараша күні дене шынықтыру пәні мұғалімі Жанбосынов Б.Ж. Қазақстан Республикасы Тұңғыш Президенті күніне және Елбасының « Болашаққа бағдар: рухани жаңғыру» мақаласы аясында дэюдо күресінен 2005-2008 ж.туылған жасөспірім ұлдар мен қыздар арасында облыстық ашық турнир ұйымдастырып, өткізді.
29 қараша күні 1 – 11 сыныптар аралығында «Менің тұңғыш Президентім» тақырыбында бірыңғай тәрбие сағаттары өткізілді 4г сынып жетекшісі Джанабатырова Р.Х.,8 а сынып жетекшісі Наметқұлова Г.Н., 7 а сынып жетекшісі Райымжанова Г. А., 6 а сынып жетекшісі Иманбеков Б.М., 5 «ә» сынып жетекшісі Абдураимова Э. өткізген тәрбие сағаттары өте қызықты жоғары деңгейде өтті. Оқушылар Елбасының өмір жолын айтып , Елбасымыздың ерең еңбектері, елі, жері үшін жасаған жақсылықтары кеңінен айтылып, сабақ соңы «Елбасы – ерең тұлға, елдің бағы!» тақырыбында эсселер жазып, оқыды.
29 қараша күні 9-10 сынып аралығында 10 а сынып жетекшісі Л.Нуриева мен 9 «а» сынып жетекшісі А.Ботабекованың ұйымдастыруымен «Нұрсұлтан Назарбаев- іргелі мемлекет құрған көшбасшы» атты дөңгелек үстел өтті.
Жоғарғы сынып оқушыларының дөңгелек үстел жүргізудегі шеберлігі,елбасының саясаты туралы оқыған баяндамасы, осы тәуелсіздік кезіндегі жеткен жетістіктері жөнінде кең көлемді мағлұматтарды бере кетті. Оқушылар елбасымыздың қызметін айтып, өздері елбасымызды мақтан тұтатынын айтып өтті. Оқушылар бір – біріне елбасымыздың шығармашылығына байланысты сұрақтар қойды. Дөңгелек үстел жоғары деңгейде өтті.
Қазақ тілі мен әдебиет пәні мұғалімі А.Айткулованың ұйымдастыруымен «Ұтты ұлықтаған тұңғыш Елбасы» тақырыбында шығарма байқауы өткізілді «Менің Тұңғыш Президентім!», «Елін сүйген – елбасы!» тақырыптарында 28 қараша күні 6-7 сыныптар арасында шығармалар байқауы өтті.
29 қараша күні «Менің Президентім – ардақ тұтар айбыным!» тақырыбында 1 – 11 сыныптар арасында салтанатты кеш өтті. Салтанатты кешке Андас батыр ауылдық округінің әкімі Б.Мажиев, Меркі аудандық маслихатының депутаты Б. Хасанбаев, аудандық ветеринарлық қызметтің бас маманы Ө. Алтыбаев ауыл тұрғындары және мектеп оушылары қатысты. Кеш барысында Б. Мажиев өзінің құттықтау сөзінде Қазақстан Республикасының Президентінің «Болашаққа бағдар: рухани жаңғыру» мақаласында көрсетілген міндеттерге тоқтала отырып ауыл тұрғындарын мерекемен құтықтады. Мектептің қазақ тілі мен әдебиет пәнінің мұғалімі А. Ботабекова мектеп ұжымы атынан жиынға қатысушыларды тұңғыш президент күнімен құттықтап, «Рухани жаңғыру» аясында мектепішілік атқарылып жатқан іс – шараларды слайдтар арқылы қысқаша мазмұндады. Сонымен қатар, мектеп әкімшілігі тарапынан оқушылардың әдеби монтажы мен концерттік бағдарлама ұйымдастырып көрсетілді. 10сынып оқушылары Р.Мерсавдинова, Ж. Айнакулова, 7 сынып оқушылары Ж. Наурызбай, Е.Баталина, А.Чахалова , 6 сынып оқушысы А.Бейсенбек тұңғыш президент күніне арналған өлең жолдарын паш етті. 9 сынып оқушылары А.Олжабек, А. Батырхан, 8 сынып оқушылары А.Бегеналы, Н,Амантай, 5 сынып оқушысы Н.Даулетқұл сазды әуенмен қонақтардың көңіл – күйлерін көтерді. Мектеп тәлімгері: А.Сулейменова 3 сынып оқушыларын салтанатты түрде «Жас қыран» балалар ұйымына қабылдау рәсімін өткізді. Мектебімізде 1 желтоқсан – Қазақстан Республикасының Тұңғыш Президенті Н.Ә. Назарбаевтың күніне арналған іс – шаралар жоғары деңгейде өтті.

«Қазақстан халқы тілдері күніне» орай өткізілген «Тіл – әр ұлттың ең асыл қазынасы!» атты мерекелік іс – шара

andasbatyr — Sat, 12 Jan 2019 02:23:08 +0600

«Қазақстан халқы тілдері» күніне орай №21 жалпы білім беретін орта мектебінде қыркүйектің 10-21-і аралығында «Тіл – әр ұлттың ең асыл қазынасы!» атты мерекелік апталық өтті.
10-қыркүйек күні мектеп алаңында тіл мерекесіне арналған салтанатты лездеме болды. «Тіл – әр ұлттың ең асыл қазынасы!» атты стенд дайындалып,мектеп кітапханашыларының ұйымдастыруымен әдеби кітаптар көрмесі оқушыларға ұсынылды. Салтанатты лездемеде мектеп директоры Э.А.Бекжанова құттықтау сөз сөйлеп, оқушыларды тіл мерекесіне белсене қатысуларын сұрады. Оқушылар ана тілі туралы өлеңдер оқып, 10 «А» сынып оқушысы Олжабек А. «Жаса, қазақ тілі» атты ән орындады.
17-18 қыркүйек күні 9-11 сыныптар арасында «Мәңгілік елдің – мәңгілік тілі!» «Тілім барда білмеймін мен қайғыны» «Жасай бер, қазақ тілі!» тақырыптарында эссе жазу байқауы өткізілді. Байқау қорытындысы апталық соңында анықталып, жеңімпаздарға марапаттаулар берілді.
Үздік жазған оқушылардың шығарма жұмыстарынан мектеп дәлізінде көрме ұйымдастырылды.
19-қыркүйек күні «Мемлекеттік тіл менің тілім! » атты тақырыпта 4-сыныптар арасында мәнерлеп оқу байқауын өткізді. Байқауда оқушылар өз өнерлерін ортаға салып, тіл байлықтарының кең екенін көрсетті. Тіл туралы өлеңдер оқылып, Тейфурова С.«Ананың тілі» әнін нақышына келтіріп орындады. Әрқашан тілді құрметтеу маңызды, бірінші кезекте екенін ашық айтты.
А.Айтқұлова мен Г.Наметқұлова 7-сыныптар арасында «Тіл мәртебесін ұлықтайық» атты эрудит сабағы тіл мәртебесінің әрқашанда жоғары екендігін дәлелдеді
5-сыныптар арасында «Ана тілің-арың бұл» мерекелік сынып сағатын пән мұғалімдері Н.Әбишева, Джақсымбетова М, Ақтайбекова Ж, Наметкулова Г. жоғары деңгейде ұйымдастырды.Сабақта үштілділікті оқушылар өте жақсы меңгергендігін көрсетті. Сабақ барысында тілге байланысты мақал-мәтелдер айтып, екі топ сайысқа түсті. Мақал – мәтел сайысы оқушылардың пәнге деген қызығушылығын арттыра түсті. «Анамның тілі» атты әнді сабақ соңында хормен орындады. Мұғалім А.Ботабекова 10 «А» сыныбында «Үштілділік заман талабы» тақырыбында өткізген пікір-сайыс барысында оқушылар өздерінің тілге байланысты «Қызыл тіл» , «Ақыл-ой» атты қабырға газеттерін салып қорғады.
8 сыныптар арасында мұғалімдер Ж.Ақтайбекова мен Серікова А. «Тапқыр достар» атты тақырыпта зияткерлік ойын сабағын өткізді. Оқушылар 7 кезеңнен тұратын тапсырмаларды орындап, өз білімдерін көрсете білді.
Оқушылар ақындардың тіл туралы жаттап келген өлеңдерін ортаға салды. А.Құнанбаев «Сегіз аяқ», Қ.Мырзалиев «Ана тілің-арың бұл», М.Жұмабаев «Қазақ тілі», Ә.Тәжібаев «Ана тілі» атты ақындардың өлеңдерін нақышына келтіріп орындады
Барлық сыныптарда «Тіл – әр ұлттың асыл қазынасы!» тақырыбында сынып сағаттары өткізілді. 9-11-сыныптар арасында өткізілген «Латын алфавитіне көшу – заман талабы» тақырыбындағы дөңгелек үстелді мұғалімдер Наметкулова Г. және Айткулова А. өте тартымды өтті. Мұғалім латын алфавитінің жақсы жақтарын қолдаса, түсінбеген оқушылар қызу талқыға салып түрлі сұрақтарды туындата отырып өз жауаптарын алды.
21.09.2017ж. күні мектеп ауласында мерекелік іс-шараның жабылу салтанаты орыс тілі , ағылшын тілі пән бірлестіктерінің қатысуымен аталып өтті. Тіл туралы өлеңдер оқылып, қазақтың үш биі – Төле би, Әйтеке би, Қазыбек бидің тіл туралы толғауларын оқушылар жоғары деңгейде орындады. Жабылу салтанатына әдеби кітаптар көрмесі, ұлттық нақышымызды бейнелейтін дүниелер қойылған бұрыш дайындалды. Мектеп директоры Э.А.Бекжанова сөз сөйлеп, апталыққа белсене қатысқан оқушыларға алғыс хаттар берілді.7-сынып оқушылары тіл туралы өлеңдер оқыды. Қазақ тілі пәнінің мұғалімі Н.Әбишова әже рөлін сомдап, қазақтың «Бесікке салу» дәстүрін кеңінен көрсетті.
«Бесікке салу» дәстүрі кезіндегі айтылатын тілектер,ырымдар сахналық көрініс кезінде мерекелік іс-шараның маңызын айшықтай түсті.9-сынып оқушысы Олжабек А. «Қазағымның дәстүрлері-ай» әні орындалып,салт-дәстүріміз бойынша шашу шашылды. №21 жалпы білім беретін мектеп атындағы орта мектепте «Қазақстан халқы тілдері» күніне арналған іс-шаралар жоғары деңгейде өтті.