8-11 сынып білім алушыларымен Құқықтық ақпараттық түсіндіру кездесу

N21 ЖОББМ 2025 жылдың 8 қыркүйек күні Меркі ауданы Полиция бөлімімен бірлескен жұмыс жоспарына сәйкес ДҚТЖО Ж.Ж.Жакипбекованың ұйымдастыруымен 8-11 сынып білім алушыларымен  құқықтық ақпараттық түсіндіру кездесуі өткізілді. Мақсаты: кәмелетке толмағандардың құқықтық жауапкершілігі мен оларға қарсы жыныстық сипаттағы қылмыстардың алдын алу тақырыбында құқықтық түсінік беру, құқықтық сананы арттыру және қылмыстың алдын алу шараларын түсіндіру.     Кездесуге Меркі АПБ ЖПҚб бастығы полиция подполковнигі Майнаусов Айдос Болатович , ЮПТ аға инспекторы, полиция Mayоры Е.А. Оспанбеков, КПБ бастығы полиция Mayоры Абдрашев Талғат Қанжарбекович , УПИ полиция капитаны Нұрғиса Калманбетов қатысты. 
      Кездесу барысында кәмелетке толмағандардың құқықтары мен заңдық жауапкершілігін сақтауға қатысты маңызды ақпараттар беріліп, құқық бұзушылықтың алдын алу, бала қауіпсіздігін қамтамасыз ету мәселелері талқыланды. Сонымен қатар қылмыстық құқық саласындағы ҚР заңнамасы аясында жасөспірімдердің қылмыстық жауапкершілігі, жыныстық сипаттағы қылмыстарға қатысты қатаң жаза мен алдын алу жолдары туралы хабарламалар айтып, жасөспірімдердің жауапкершілігі: ҚР Қылмыстық кодексінің 15-бабына сәйкес кәмелетке толмағандар 16 жасқа толған сәттен бастап қылмыстық жауапкершілікке тартылады; ауыр қылмыс жасаған 14 жастағы жасөспірімдер де заң алдында жауапқа тартылатыны жайлы айтылды.
Білім алушыларға интернет пен көшеде бейтаныс адамдармен араласудан, белгісіз заттар алудан сақтануды, олардың жүріс-тұрысын бақылауды күшейту керектігі, баланы «қауіпті топтан» қорғау маңызы түсіндірілді. Сондай-ақ балалардың құқықтық жауапкершілік деңгейіне сай тәртіпті ұстануды, құқық бұзушылықтың салдарын түсінуді қоса алғанда, қауіпсіз жүріс-тұрыс ережелерін күнделікті үйрету қажеттігі ерекше аталып өтті.
    Қорытындылай келе білім алушылардың құқықтық сауаттылығы мен құқық бұзушылықтың алдын алу дағдылары артты. Осы шара барысында жеткізілген негізгі хабарламалар мектеп жасындағы балалардың қауіпсіздігін қамтамасыз етуге бағытталған. Алдағы уақытта кәмелетке толмағандар арасында құқық бұзушылықтың алдын алуды күшейту мақсатында құқықтық түсіндіру жұмыстары жалғасады.