«Жағымды қарым-қатынас жайлы орта» тренинг
Тақырыбы: «Жағымды қарым-қатынас жайлы орта» тренинг
Мақсаты: Оқушылар арасында жағымды қарым-қатынас орнату, бір-бірін түсіну, сыйластық пен сенімді арттыру, ұжымда қолайлы психологиялық ахуал қалыптастыру.
Психологиялық жұмыс бағыты: түзету-дамыту, психологиялық алдын алу
Қатысушылар: 9-11 сынып
Тренинг жоспары:
1. Ұйымдастыру кезеңі
1. Қатысушылармен сәлемдесу, тренингтің мақсаты мен ережелерімен таныстыру
2. «Мен және менің қасиетім» жаттығуы Мақсаты: ашықтыққа, сенімділікке бейімдеу
Әр қатысушы өз есімін айтып, өзіне тән жағымды қасиетін атап өтеді.
3. Жаттығу «Жағымды сөздер шеңбері» Мақсаты: позитивті қарым-қатынасты нығайту, өзін-өзі бағалауды арттыру.
Оқушылар бір-біріне жағымды сөздер немесе комплимент айтады.
4. Топтық жұмыс «Қарым-қатынас көпірі» Мақсаты: ұжымдық жұмыс, өзара келісімге келу дағдыларын дамыту.
Оқушылар шағын топтарға бөлініп, жағымды қарым-қатынасқа қажетті ережелерді немесе қасиеттерді постерге түсіреді.
5. Сергіту сәті «Эмоцияны тап» Мақсаты: эмоцияны тану, эмоционалдық интеллектіні дамыту.
Қатысушылар ым-ишара арқылы эмоцияны көрсетеді, басқалары табады.
6. Талқылау «Жағымды орта қандай болады?»
Сұрақтар арқылы пікір алмасу: Жағымды қарым-қатынас деген не? Ұжымда жақсы атмосфера қалыптастыру үшін не істеу керек?
7. Кері байланыс «Мен тренингтен алдым…» Әр қатысушы тренингтен алған әсерімен немесе пайдалы ойымен бөліседі.
8. Қорытынды бөлім
Тренинг барысы: «Жағымды қарым-қатынас жайлы орта» тақырыбындағы тренинг жоспарға сәйкес өткізілді. Тренинг барысында қатысушылар белсенділік танытып, барлық ұсынылған жаттығуларға ерікті түрде қатысты. Тренингтің ұйымдастыру кезеңінде қатысушылармен тренинг ережелері таныстырылып, психологиялық қауіпсіз және сенімді орта қалыптастырылды. «Мен және менің қасиетім» жаттығуы арқылы оқушылар бір-бірімен жақынырақ танысып, өздерінің жағымды қасиеттерін атап, өзін-өзі бағалау деңгейін арттырды. «Жағымды сөздер шеңбері» жаттығуы барысында оқушылар бір-біріне жағымды сөздер айтып, өзара қолдау көрсетуге үйренді. Бұл жаттығу сынып ішінде позитивті атмосфераның қалыптасуына ықпал етті. «Қарым-қатынас көпірі» топтық жұмысында оқушылар шағын топтарға бөлініп, жағымды қарым-қатынас орнату үшін қажетті қасиеттер мен ережелерді анықтады. Топтық жұмыс барысында өзара пікір алмасу, тыңдай білу, келісімге келу дағдылары дамыды. Сергіту сәті ретінде өткізілген «Эмоцияны тап» жаттығуы оқушылардың эмоцияларды тану қабілетін арттырып, эмоционалдық күйін жеңілдетуге мүмкіндік берді.Талқылау бөлімінде «Жағымды орта қандай болады?» тақырыбында пікір алмасу жүргізілді. Оқушылар өз ойларын еркін білдіріп, ұжымда сыйластық пен түсіністік сақтаудың маңыздылығын атап өтті. Тренинг соңында өткізілген «Мен тренингтен алдым…» кері байланыс жаттығуы арқылы қатысушылар тренингтен алған әсерлерімен бөлісті. Оқушылар тренингтің пайдалы болғанын, бір-бірін жақсырақ түсінуге және қарым-қатынасты жақсартуға көмектескенін айтты.
Қорытынды: Жалпы алғанда, тренинг өз мақсатына жетті. Қатысушылардың бір-біріне деген қарым-қатынасы жақсарып, жағымды психологиялық ахуал қалыптастыруға оң әсерін тигізді.
