Kozybayev University (Петропавл қаласы) өкілдерімен кездесу өткізілді.

09.04.2026 ж. №21 ЖОББМ оқушылары Өнер мектебінде «Серпін» бағдарламасы бойынша 11-сынып оқушыларының ата-аналарымен Kozybayev University (Петропавл қаласы) өкілдерімен кездесу өткізілді. Кездесудің мақсаты – «Серпін» бағдарламасының мүмкіндіктері туралы ақпарат беру, талапкерлерге жоғары оқу орнына түсу шарттарын түсіндіру және кәсіби бағдар беру.
Кездесу барысында университет өкілдері білім беру бағдарламалары, оқу гранттары, студенттік өмір және жатақхана жағдайлары туралы жан-жақты мәлімет берді. Ата-аналар өздерін қызықтырған сұрақтарын қойып, нақты жауаптар алды.
Қорытындысында оқушылар мен ата-аналар үшін пайдалы ақпарат беріліп, болашақ мамандық таңдауға бағыт-бағдар берілді.