Елбасы Н.Назарбаевтың «Ұлы даланың жеті қыры» атты тарихи мақала насихаттау мақсатында өткізілген конференция

2019 жылдың 18 қаңтарында ДТІЖО Э.Б.Тайбекованың ұйымдастыруымен тарих пәні мұғалімі Б.М. Иманбеков Елбасымыздың «Ұлы даланың жеті қыры» мақаласы аясында конференция сабағын өткізді. Іс-шараның мақсаты – қазақ халқының тарихын, салт-дәстүрін, тілін ұлықтау және ұлы даламыздағы ұлттық құндылықтарымыз бен қасиетті жәдігерлеріміз туралы оқушылардың білімдерін тереңдету.
Конференция сабағына 9-10 сынып оқушылары және пән мұғалімдері қатысты. Іс-шара барысында оқушылар Елбасы Н.Ә.Назарбаевтың «Ұлы даланың жеті қыры» атты мақаласын талдап, өзіндік ерекшеліктері мен еліміздің мәдени және рухани дамуы үшін жеті тарихи жайтқа сүйенген ірі жоба жөнінде өз пікірлерін білдіріп, жан-жақты білімдерін көрсетіп, мақала төңірегінде пікір алысып, ой бөлісті. Конференция сабағынан оқушылар Елбасының «Ұлы даланың жеті қыры» мақаласы туралы жан-жақты мәлімет алып, маңызды ой түйіп, мақалада айтылған ой-пікірлерді әрі қарай жоғары дәрежеде, заманауи түрде жаңаша көзқараспен іске асырады деген ойдамыз.