«Ұлттық құндылықтар - ұлт қазынасы»

«Ұлттық құндылықтар - ұлт қазынасы» тақырыбында мектепте сынып сағаттары өткізілді. Мақсаты: жас ұрпақ санасына туған халқына деген құрмет, сүйіспеншілік мақтаныш сезімдерін ұялату, ұлттық рухын дамыту. Сынып жетекшісі Б.Иманбеков әр ұлттың өзінің ұлттық құндылықтары болатынын, бір ұлтты ерекшелендіріп тұратыны оның: тілі, ертегілері, мақал-мәтелдері, лиро-эпостық және батырлар жырлары, әдет- ғұрпы, салт-санасы, менталитеті, мәдениеті, өнері, тағамдары, ұлттық қолөнері, тұрмыстық бұйымдары, ұлттық ойындары, т.б. өзгелерге ұқсамайтын қасиеттері туралы айтып өтті.  Сыныптың әр оқушысы салт -дәстүрлерге презентациялар жасап , қазақ халқының фольклоры, мәдениеті, ұмытыла бастаған ежелгі Қазақстан салт-дәстүрлері  туралы  толық ақпарат берді, соңында оқушылар өз ойларын айтып, сұхбат жүргізді.